من صجه .... !؟

مع إنني لم لست ضد الأسرة الحاكمة .. لكن تصريح الوزيرأمس

صدمني !!!!؟

وما زلت أكرر الدعوة إلى فصل الدفاع والداخلية ... فكل وزارة أهم من الأخرى

ولم ولن يقدر على مسكهما شخص واحد مهما كان !!!؟

الله يخليكم تكفون ما نبي مجاملات على حساب الكويت !؟

عطوني رايكم !؟

أول شيء .. ماراح أعلق عالتشكيل الوزاري وباعطيهم فرصة يثبتون جدارتهم

إن وجدت !!!؟

لكن عندي بعض الملاحظات :

ليش نعطي شخص أكثر من وزارة !؟

ليش الوزراء اللي يطلعون يعينونهم مستشارين بدرجة وزير !؟

وليش العنصرية من التكتلات أو الأحزاب أو أيا كان اسمهم إذا لم يعين منهم

أو من توجههم القبلي أو الحزبي أو ... وزير !؟

HappY BirthDay Bed0uin ...

This is my gift especially for u !!!

التشكيل الحكومي

بما إن الكل قاعد يتكهن بأسماء الوزراء

أو بالأحرى يطالب بتوزير ناس على كيفه

ف ... قررت أشارك بهالموضوع

في البداية يا جماعة نبي الرجل المناسب في المكان المناسب
فلا تحطون واحد ماله شغل بالصحة وزير للصحة !!؟
ولا تحطون واحد ماله شغل بالنفط وزير للنفط !!؟
ولا تعطون شخص واحد وزارتين حساستين كل وحدة تبي تفرغ كامل
مثل الداخلية والدفاع !!!؟
اللي يسمعني يقول آنا ضد الشيوخ !!؟
لكني مو ضدهم أبدا لكن الأمثلة يات جذي !!؟
نبي الكفاءات .. نبي واحد عارف بالوزارة اللي ينحط فيها
مو يكون تخصصه أدبي وينحط وزير في وزارة تتطلب تخصص علمي !؟
مثلا الطبطبائي -مع إني ما تابعت عمله الوزاري- هوأستاذ أكاديمي عارف بأمور التربية
يعني عارف بأمور وزارته ...
والشيخ الدكتور محمد صباح السالم من الكفاءات وهم عارف بأمور وزارته
ممممممم .. أما الباجي مع احترامي لهم ... يبيلهم شغل !؟
ودي أسمع رايكم !!

الله يستر

مستقبلنا ومستقبل اعيالنا غامض !!! والله يستر

مبارك عليكم الشهر

رمضان هالسنة غير !! على الأقل بالنسبة لي آنا !!
رمضان بدون والد !! دون أب !! دون أساس !!
اللهم ارحم والدي .. وغمد روحه الجنة
اللهم آمين

وعسى أن يتقبل ربنا طاعتنا وطاعتكم
ويديم الصحة لأحبائنا وأحبائكم
اللهم آمين

ماكياج العزاء !!!!!!!!!!!؟

ليش الناس تحط مكياج بالعزاء !؟
هل هو نوع من قلة الثقة بالنفس !؟
وإلا علشان لمن يشوفونها بالعزاء شحلوها يخطبونها !؟
حتى المتزوجات والأمهات هم يحطون مكياج !؟

ليش !؟

طبعا مو كل المعزيات يحطون مكياج
آنا أتكلم عن البعض منهم وهذا للتوضيح

في ناس .. وآنا منهم نروح العزاء بعد مشوار .. فنكون
already
حاطين الكحل والماسكرا -طبعا مو أكثر - وفي هذه الحاله ما يقدرون يمسحون اللي بعيونهم
أو لمن يمسحونه ما يطلع كله .. في هذه الحالة آنا أعذرهم

لكن فيه ناس الله يهداهم إيون العزاء واهما ما يبقى شيء مو حاطينه من
آي لاينر طالع لي برا .. وكريم أساس .. وشادو .. و
lip gloss
وردي فاتح !!!!!!!
إنزين ليش !؟!؟
ولو افترضنا يايين العزا بعد مشوار .. عالأقل قدروا إنكم بتروحون عزا بعدها !؟
مو شادو و آي لاينر ثقيل طالع لي برا ! لا وحمره خفيفه بعد !!
عالأقل مسحوا الحمرا !! الله يرضى عليكم !!

للأسف صادفت ناس من أهل العزاء حاطين مكياج
حفيدة المتوفي !! وياليت بس كحل !! إلا كحل و آي لاينر لي برا وماسكرا والأساس.. وال
gloss !
ليش !؟ مو جدج أبو أبوج توه متوفي !؟ إنزين شلون بصدق إنج حزنانه !؟

قولوا يمكن هالبنيه صغيره ماتفهم !! مع إنها كبري واعيالها مع اعيالي بالمدرسة
لكن الطامة الكبرى لمن يقولون لي نادي بنت المتوفي الذي توفى الفجر
ولمن أدخل الدار ألاقيها قاعدة تحط كحل !!؟
آنا ما أشك بحبها لوالدها الله يرحمه .. وحزنها عليه
لكن ليش !؟
خصوصا وانها في الخمسينات واعيالها كبري !؟

آنا أذكر وقت وفاة والدي الله يرحمه .. مالي خلق حتى أغسل ويهي !!
ف شلون الناس قاعدة تحط مكياج واهما حزنانين !؟

نوروني الله ينور عليكم !! ليش !؟